PKP: 16,000 Pintu Bilik Di Kapit Enggau Song Deka Nerima Bantu Pemakai Belabuh 4 Feb Tu

HARI TIGA, 3 FEBRUARI 2021

KUCHING: Perintah Sarawak deka nyadung bantu pemakai ngagai urung 16,000 ruang bilik di pelilih kapit enggau song iya ke diatu benung bejalaika Atur Mindah Betagang (PKP).

Sapit Kepala Menteri, Datuk Amar Awang Tengah Ali Hasan madah, bantu nya deka disadung berengkah hari Empat tu (4 Februari) enggau chara berenggat ngagai 442 buah rumah panjai di sitak Kunsil Nengeri (DUN) Pelagus, Katibas, Bukit Goram enggau Belaga di Nanga Merit.

“Dikena kitai ngelempungka tating penusah rayat maya tu, Perintah Nengeri ngaga pemutus ngaduka pengawa nyadung bantu pemakai ngagai rayat,”

Bejaku ba aum media di Kuching kena hari Satu tu tadi, iya madah, Perintah Nengeri udah ngungkupka agih belanja RM1.42 juta dikena nyendiaka bantu nya.

Nambahka jaku iya, ku Datuk Amar Awang Tengah, Opis Menteri Dagang Dalam Nengeri Enggau Pekara Bebeli Barang (KPDNHEP) meri jamin penyampau bekal pemakai nadai bepenanggul naka ke diatu. -EDISI UKAS

Share

add comment