Program Imunisasi COVID-19 Renggat Menua Berengkah Ujung Bulan Tu

HARI LIMA, 5 FEBRUARI 2021

KUALA LUMPUR: Perintah deka ngatur Program Imunisasi COVID-19 renggat menua berengkah ujung bulan tu.

Menteri Besai Tan Sri Muhyiddin Yassin nengah jaku gerah iya kemari madah, perintah merambu 80 peratus tauka 26.5 juta iku rayat menua tu deka nerima vaksin nya.

“Perintah deka ngepunka pengawa meri vaksin COVID-19 berengkah ujung bulan tu lalu kitai ngarapka vaksin nya ulih disadung ngagai 26.5 juta iku rayat tauka 80 peratus ari semua peranak menua tu.

“Vaksin tu mega diberi enggau enda bebayar,” pia ku iya madah.

Maya tu iya mega madah, program nyadung vaksin nya deka dibagi ngagai tiga renggat alai renggat keterubah diberi ngagai 500,000 iku raban ‘frontliner’ lalu renggat kedua diungkupka ngagai sida ke mudah kena penyakit baka orang tuai nyengkaum orang timpang pendiau (OKU) lalu renggat kepenudi disadung ba sida besai tuai tauka beumur 18 taun ke atas.

Ku iya nambah, dikena nentuka program vaksin nya bejalai enggau mujur, lebih 600 palan alai nyimpan tauka palan meri vaksin deka dibuka ba selampur menua tu.

“Aku udah minta sida ti bekaul ngambika ngena perengka guna pekara pengerai baikka opis perintah tauka luar, stadium, palan konvensyen, balan mensia mayuh enggau universiti digagaka palan alai meri vaksin tu ti bekenaka tusun atur ba Ordinan Darurat (Kuasa-Kuasa Perlu) 2021,” ku iya madah baru. -EDISI UKAS

Share

add comment