Jematan Gantung Ngelantangka Agi Pengawa Bekebun Di Menua Pesisir

HARI DUA, 9 FEBRUARI 2021

LAWAS: Projek ngaga jematan gantung beguna dikena ngelantangka agi peranak menua pesisir bekebun lalu tau ngemuntangka sida nyungkakka penatai pemisi diri.

Sapit Kepala Menteri Datuk Amar Awang Tengah Ali Hasan madah, ketegal nya perintah udah ngemendarka projek ngaga semilan iti jematan gantung di Batang Sungai Trusan ke beungkus urung RM150,000 ngagai RM200,000 siti.

Iya bejaku munyi tu maya aum media udah ke bejadi jematan gantung di Da Sango Recreational Park And Homestay, Trusan, Lawas, kemari.

Nambahka nya ku iya, Sapit Menteri Pemansang Menua Pesisir Ii ti mega Kaban Parlimen Lawas, Dato Henry Sum Agong sebedau tu mega udah mujur ngaga tujuh buah jematan di Lawas, Damit.

Datuk Amar Awang Tengah madah, kelimpah ari nya, di Semadoh diatu udah bisi lapan iti jematan lalu di Bakelalan mega udah digagaka empat iti jematan gantung. -EDISI UKAS

Share

add comment