Orang Ke Datai Niki Rumah Panjai Meseti Meresa Pengangat Tubuh Dulu

HARI EMPAT, 11 FEBRUARI 2021

SARIKEI: Tuai rumah meseti nentuka orang ke datai niki rumah panjai meresa pengangat tubuh dulu dikena nentuka sida likun ari COVID-19.

Menteri Muda Pengatur Kandang Mengeri, Tanah enggau Rampa Menua Sarawak, Datu Len Talif Salleh madah, perengka meresa pengangat tubuh nya patut dikembuan lalu dilekatka ba pintu penama rumah panjai.

“Tu sebagi ari chara dikena kitai nyeliahka pengelekai COVID-19 lalu nentuka pengelikun enggau pengerai peranak rumah panjai,” pia ku iya madah.

Iya mantaika jaku tu maya pengawa nyuaka chek enggau perengka meresa pengangat tubuh enggau QR Kod MySejahtera ngagai rumah panjai Zon Sarikei di Dewan Sri Nyelong, Sarikei, sehari tu tadi.

Ba pengawa nya, iya ti mega Kaban Kunsil Nengeri (ADUN) Kuala Rajang bisi nyuaka chek RM113,000 ari Perintah Besai ngagai 33 iti gerempung.

Kelimpah ari nya, Datu Len bisi nyuaka pemeri buah limau ngagai raban bansa China beserimbai enggau Taun Baru China. -EDISI UKAS

Share

add comment