ADUN Meluan Ngabas Penembu Projek Ngemanah Jematan Nanga Entaih

HARI DUA, 16 FEBRUARI 2021

JULAU: Penembu projek ngemanah jematan ngelayang Sungai Entaih deka meri pengelantang ngagai rayat menua nya.

Projek tu beguna bendar ngagai sida dikena ngelawa SK Nanga Entaih enggau klinik pengerai kelimpah jalai ngelawa Pakan enggau Sarikei.

Kaban Kunsil Nengeri (ADUN) Meluan, Rolland Duat Jubin udah ngabas jematan nya ke digaga nengah Projek Transformasyen Menua Pesisir (RTP) enggau ungkus RM50,000 kena hari Satu tu tadi.

Iya madahka diri berasai lantang ati meda projek nya ke udah tembu tengan Disember 2020, tumu ari maya projek dilanggur tembu iya nya 12 Mach 2021.

Kaunsilor Berinau Dan ngarika sida semenua ngenataika jaku gaga sereta berterima kasih ngagai Perintah Sarawak lebih agi Rolland Duat ti chakah numbuhka pemansang menua nya nyengkaum ngaga projek ngemanah Jematan Nanga Entaih nya. -EDISI UKAS

Share

add comment