ADUN Stakan Meri Bantu Barang Pemakai Ngagai Mensia Mayuh Di Taman Univista

HARI SATU, 22 FEBRUARI 2021

SAMARAHAN: Kaban Kunsil Nengeri (ADUN) Stakan Datuk Amar Mohammad Ali Mahmud begulai enggau Kuching Food Aid udah meri bantu barang pemakai ngagai 124 iku mensia mayuh di Taman Univista, Kota Samarahan.

Bantu tu disuaka Pegawai Khas ADUN Stakan, Mohd Ainnie Wahab, kena hari Satu tu tadi.

Maya dirandau iya madah, bantu nya disuaka ngagai Tuai Opis Bomba enggau Penyah Penusah Kota Samarahan, Ebby Herwandy Sarbini ti ngarika sida ba genturung pendiau dia.

Pengawa nyadung bantu tu dikemujurka Kuching Food Aid (KFA) begulai enggau Palan Servis ADUN Stakan.

Datuk Amar Mohammad Ali enggau tu ngenataika jaku terima kasih ngagai bala ‘frontliner’ ti nyaup nyadung bantu pemakai ngagai mensia mayuh ke diau dia ti diatu benung bejalaika Atur Mindah Betagang Diteritka (PKPD).-EDISI UKAS

Share

add comment