SOP Lumba Enggau Rekreasyen Ti Dikemendarka Sereta Ti Ditagang

Hari Dua, 2 March 2021

KUCHING: Menteri Nembiak enggau Lumba Sarawak, Datuk Abdul Karim Rahman Hamzah nerangka Atur Operasyen Standard (SOP) ba lumba enggau rekreasyen ti dikemendarka opis iya enggau Opis Penyangga Penusah Nengeri Sarawak (JPBNS), kena hari Satu tu tadi.

“Semua kategori individu enggau tim maya latih enggau bepekit baikka ‘indoor’ tauka ‘outdoor’ sereta nitihka SOP lalu enda digulu tubuh orang mayuh, nya dikemendarka.

“Pengawa ngatur pekit meseti bepelasarka pemutus ari Opis Menteri Nembiak enggau Lumba Sarawak sereta JPBNS,” pia ku iya madah maya aum media JPBNS di Kuching.

Kelimpah ari nya, iya mega nerangka beberapa bengkah aktiviti lumba enggau main enggau rekreasyen ti mengkang ditagang diatu.

“Pekit ke diatur ti nadai pemendar ari Opis Nembiak enggau Lumba Sarawak tauka JPBNS ditagang maya tu.

“Program ke digulu mensia mayuh baka ‘Fun Run, ‘Marathon’ enggau iya ke bukai mega enda dikemendarka,” ku iya madah baru.– EDISI UKAS

Share

add comment