Projek Palan Meresi Ai Di Sebangan Meri Penguntung Ngagai Peranak Kampung Sampat

HARI TIGA, 3 MARCH 2021

SEBUYAU: Peranak Kampung Sampat deka ngasaika penguntung ari penembu Projek Palan Meresi Ai Sebangan.

Opis Bekal Ai Menua Pesisir (JBALB) Samarahan madahka projek nya ulih nyendiaka bekal ai ngagai peranak Sebangan enggau penyampau 0.5 juta liter ai dalam sehari (MLD).

Menteri Muda Infrastruktur enggau Pemansang Penyangkai Kapal, Datuk Julaihi Narawi bisi datai ngabas pemujur projek nya di Kampung Sampat, hari Dua tu tadi.

Iya ti mega Kaban Kunsil Nengeri (ADUN) Sebuyau ngabas Projek Rayat nya ti udah digaga enggau ungkus belanja RM5.4 juta.

Projek nya nyengkaum ngemanahka kereban mekanikal enggau eletrik, ngemanahka palan pam ai, ngemanahka tangki meresi ai, ngemanahka begunan palan meresi ai sereta nukar dos chemical.

Palan Meresi Ai Sebangan nya mega ulih nentuka peranak sitak nya nerima bekal ai ti chukup.

Injinir Ai JBALB sitak Samarahan, Tamida Da’adi, kontraktor Cemsain Engineering Sdn.Bhd, kontraktor Rimbun Prima Sdn.Bhd enggau Tuai Pelilih Sampat Sebangan, Martasan Bujang bisi sama bela datai. –EDISI UKAS

Share

add comment