Latih Simulasyen Program Vaksin COVID-19 Di Balai Mensia Mayuh Bekenu Mujur

HARI EMPAT, 4 MARCH 2021

BEKENU: Program Vaksinasyen COVID-19 di Pelilih Miri deka berengkah 6 March tu.

Nangkan ke nya, Palan Meri Vaksin (PPV) ba genturung menua nya benung chakah ngaduka latih simulasyen lalu nentuka atur pengawa ngambi vaksin bejalai enggau mujur sereta nitihka Atur Standard Operasyen (SOP) ti ditetapka Opis Pengerai Malaysia (KKM).

Latih simulasyen renggat keterubah ti nyengkaum raban terabai menua mega digaga ba PPV Balai Mensia Mayuh  Bekenu.

Latih simulasyen tu dikena matau atur pengawa meri vaksin nya nitihka SOP ti ditetapka KKM.

Atur pengawa meri vaksin COVID-19 ba PPV tu nyengkaum meresa pengerai enggau pengangat tubuh, ngerejister nama, kaunseling enggau pemendar imunisasyen, tuchuk vaksin sereta bilik matau penerima vaksin.

Ejensi ti bisi nyaup bejadika program tu  iya nya Opis Pengerai Malaysia (KKM) Miri, Opis Pemadah (JAPEN) Miri, Opis Penyaga Mensia Mayuh Miri, Opis Pelilih Subis, RELA enggau Opis Kaunsil Subis. –EDISI UKAS

Share

add comment