Sarawak Nerima 31,590 Dos Vaksin Pfizer-BioNTech Hari Tiga Tadi

HARI EMPAT, 4 MARCH 2021

KUCHING: Sarawak udah nerima penatai raban kedua vaksin Pfizer-BioNTech ungkup renggat keterubah enggau penyampau 31,590 dos kena hari Tiga tu tadi.

Kaban Komiti Penyangga Penusah Nengeri (JPBN) Sarawak ti mega Menteri Perintah Menua Enggau Pengawa Berumbah Sarawak, Dato Sri Dr Sim Kui Hian nengah Facebook iya madah, vaksin nya mujur datai ba Padang Bilun Entarabansa Kuching (LTAK) pukul 5.20 lemai.

Vaksin tu datai ari Belgium sebedau dibai ngagai Kuching.

“Vaksin tu deka dibagi ngagai Miri, Bintulu enggau Limbang lalu sitak ke bukai deka nerima vaksin enggau chara berenggat,” pia ku iya madah.

Sebedau tu, 23, 400 dos vaksin keterubah datai di Sarawak kena 24 Februari tu tadi. -EDISI UKAS

Share

add comment