CPPC Lachau Dipelaba Berengkah Dikena Taun 2023

HARI LIMA, 5 MARCH 2021

SRI AMAN: Palan Ngumpul, Proses enggau Mungkus (CPPC) Lachau dipelaba deka berengkah dikena ba taun 2023.

Kaban Kunsil Nengeri (ADUN) Bukit Begunan, Datuk Mong Dagang madah, CPPC nya chukup dikena bejalaika pengawa ‘downstream’.

Iya nerang, pengawa proses enggau mungkus produk betanam betupi nya nitihka standard dagang eksport.

Kompeni peribit ti bisi pengelandik, pengawa mungkus sereta bisi kaul enggau makit ke bukai deka bejalaika CPPC lalu ngeluarka asil produk ti nitihka standard dagang eksport.

“CPPC Lachau dipelaba berengkah ba taun 2023 lalu produk betanam betupi baka rambutan, nanas enggau buah ke bukai deka digumpul, diproses, dibungkus nitihka standard dagang,” ku iya nerang maya baum di  Opis Betanam Betupi Sri Aman kemari.

Berebak enggau nya, iya minta Opis Betanam Betupi Sri Aman ngerembaika pengawa nanam rambutan ‘anak sekolah’ enggau nanas ba peranak di sitak nya dikena nyaup nyungkakka penatai pemisi sida.

Sama bela datai maya tu iya nya Pegawai Betanam Betupi Sri Aman, Freddy Giang.-EDISI UKAS

Share

add comment