Peranak Serudit A, Serudit B Mengkang Nerima Bantu Pemakai

HARI LIMA, 5 MARCH 2021

SPAOH: Peranak Serudit A enggau Serudit B di Paku, Spaoh ke diatu benung bejalaika atur bepekul tauka ‘Lockdown’ mengkang nerima bantu pemakai ari pengari rayat sida.

Kena hari Empat tu tadi, Sapit Kepala Menteri ti mega Kaban Kunsil Nengeri (ADUN) Bukit Saban, Datuk Amar Douglas Uggah Embas enggau Kaban Parlimen Betong, Datuk Robert Lawson Chuat bisi meri bantu pemakai ngagai 75 pintu mensia mayuh ba dua buah rumah panjai nya.

Dulu agi ari tu mega bantu ke sebaka udah dianjung Komiti Penyangga Penusah Sitak Betong nengah Opis Pengintu Pengelantang Mensia Mayuh Betong.

Tuai rumah ari dua rumah panjai tu bela ngenataika jaku terima kasih ngagai Datuk Amar Douglas Uggah enggau Datuk Robert Lawson ti udah ngayanka pementas seduai nyaup sida maya betapi enggau penusah jam ke diatu. –EDISI UKAS

Share

add comment