Semua Genturung Pendiau Di Simunjan Deka Nerima Pemansang Arus Internet Taun 2022

HARI LIMA, 5 MARCH 2021

SIMUNJAN: Semua genturung pendiau di sitak Kunsil Nengeri (DUN) Simunjan deka ngasaika pemansang servis internet manggai taun 2022.

Kaban Kunsil Nengeri (ADUN) Simunjan, Awla Dris madah, juluk ati nya deka dipenyadi nengah projek ngaga legit telekomunikasyen ke digaga Sarawak Multimedia Authority (SMA).

Ku iya, kelimpah ari SMA, Komiti Komunikasyen Enggau Multimedia Malaysia (SKMM) mega nyaup ngaduka projek nya ba genturung pendiau dia.

“Kitai merambu semua genturung pendiau di Simunjan deka bisi arus internet magang ba taun 2022,” ku iya madah maya Program Nerangka Pengawa Bekaul Ngaga Projek Telekomunikasyen Pelilih Simunjan ti diatur SMA ba Opis Pelilih Simunjan, kena hari Empat.

Kelimpah ari nya, Sapit Menijer Besai SMA, Hamadlan Hamdan madah, SMA deka ngaduka legit telekomunikasyen nya nengah dua renggat.

“Ba renggat keterubah, SMA deka ngaga 12 struktur tiang ti dipelabaka tembu taun 2021 lalu renggat ti kedua, SMA deka ngaga 13 agi struktur tiang.

“Kelimpah ari legit telekomunikasyen SMA, SKMM mega deka ngaga lebih kurang 14 iti ti deka nentuka arus internet ulih mungkur semua genturung pendiau di Simunjan,” pia ku iya nerang.

Pegawai Pelilih Simunjan, Abdul Khalid Manap bela sama datai maya tu. –EDISI UKAS

Share

add comment