ADUN Kakus Ransing Deka Meda Projek RTP DUN Kakus Tembu Nitihka Atur

HARI LIMA, 12 MARCH 2021

TATAU: Menteri Muda ba Opis Kepala Menteri (Undang-Undang enggau Adat Bumiputera) Sarawak Datuk John Sikie Tayai udah ngabas dua bengkah Projek Transformasyen Menua Pesisir (RTP) di Rumah Semengat enggau Rumah Michael Ugong hari Tiga tu tadi.

Iya ti mega Kaban Kunsil Nengeri (ADUN) Kakus ngabas projek tu dikena iya nentuka tiap bengkah projek digaga nitihka atur ti udah ditetap.

Keterubah, Datuk John Sikie ngabas Projek Ngemanahka Jalai Simpang Rumah Semengat.

Projek ngemanahka jalai empat kilometer pemanjai nya deka ngelantangka peranak Rumah Semengat mindah.

Iya ngarapka Opis Kereja Raya (JKR) matau projek tu enggau manah lalu nadai penanggul agi.

Berebak enggau nya, Datuk John Sikie tepantup ati maya ngabas Projek Nyemin Jalai Penama Rumah Michael Ugong.

Projek nya udah tembu digaga nitihka atur ari JKR taja kontriktor ngaga projek nya sebedau tu bisi bepenanggul.

Bela sama datai Pemangku Pemesai Pelilih Tatau, Calvin Ligong@Endawie enggau Sapit Injinir JKR Pelilih Bintulu, Ngu Tie Hua. -EDISI UKAS

Share

add comment