Atur Bepekul Enggau SOP Ukai Penanggul Tang Nagang Pengelekai COVID-19

HARI LIMA, 12 MARCH 2021

BINTULU: Peranak rumah panjai ti dipinta nitihka atur bepekul ditangkan nitihka Atur Pengawa Standard (SOP) ke udah ditetapka Komiti Penyah Penusah Sitak (JPBB) Bintulu.

Residen Pelilih Bintulu, Jack Aman Luat madah, atur bepekul enggau SOP dipejalaika dikena ngemunaska pengelekai COVID-19 tang ukai ngenusah mensia mayuh.

“Peranak rumah panjai ditagang mindah kebukai baikka pansut bebelika barang maya Atur Bepekul dipejalaika.

“Tu beduduk ari kes positif COVID-19 ke udah ditemu diatu nadai ngayanka kelai.

“Enti enda ditagang, ulih ngerampit orang lain,” ku iya madah kena hari Tiga tu tadi.

Jack Aman mega nagang peranak rumah panjai enggau mensia mayuh ba pelilih Bintulu ngatur pengawa begelumu maya atur bepekul lalu ngarapka sida semampai meri kerejasama ngagai JPBB Bintulu.

Iya ti mega Chairman JPBB Bintulu maya tu madah, Komiti Pengintu Pengelantang Raban Bansa (JKM) Bintulu deka nganjung barang pemakai ngagai tiap buah rumah panjai ti bejalaika atur nya.

Awak tu bela dikena Jack Aman sekali agi nangkan mensia mayuh di Bintulu ngerejister diri ngambi tuchuk vaksin COVID-19.

Pengawa ngerejister nama ulih digaga nengah chara ngisi pom ke disedia ba Opis Pelilih Menua, Klinik Pengerai tauka aplikasyen MySejahtera. –EDISI UKAS

Share

add comment