ADUN Jepak Meri Bantu Barang Pemakai Ngagai Peranak Rumah Uchong Nyelipan

HARI DUA, 16 MARCH 2021

BINTULU: Kaban Kunsil Nengeri (ADUN) Jepak, Datuk Talib Zulpilip udah nyaup ngelempungka penusah ti nuntung peranak Rumah Uchong Nyelipan ke diatu benung bejalaika Atur Bepekul berengkah 3 ngagai 16 March.

Bepun ari pekara nya, Palan Servis PBB Kunsil Nengeri (DUN) Jepak udah datai nganjung bantubarang pemakai ngagai peranak rumah nya.

Chairman Raban Nembiak Parti Pesaka Bumiputera Bersatu (PBB) DUN Jepak, Jefferi Johari  ti ngarika Datuk Talip nyuaka bantu nya ngagai Tuai Rumah Uchong.

Kelimpah peranak rumah panjai, bantu pemakai nya mega udah diberi ngagai raban terabai menua ke nyaga penama ngelawa rumah panjai nya.

Maya dirandau, Jefferi ngarapka peranak rumah panjai nya liat ati lalu mengkang nitithka atur pengawa standard (SOP) ti udah ditetap Komiti Penyangga Penusah Pelilih (JPBB) Bintulu enggau Opis Pengerai Pelilih Bintulu ngemunaska pengelekai COVID-19. –EDISI UKAS

Share

add comment