Sekretari Perintah Nengeri Sarawak Ngulu Randau Bekaul Projek ‘Proposed Transportation Hub’ Miri

HARI DUA, 16 MARCH 2021

MIRI: Sekretari Perintah Nengeri Sarawak, Datuk Amar Jaul Samion udah ngulu randau nerangka Projek ‘Proposed Transportation Hub’ sitak Miri.

Keterubah iya diterang Opis Kaunsil Mengeri Miri (MBM) bekaul enggau Miri Proposed Bus Terminal, Projek Miri City Hall enggau Miri Smart City,hari Satu tu tadi.

Datuk Amar Jaul nangkan ke nya ngabas taba ke diperambu endur ngaga Terminal Bas Baru di Jalai Cahaya Miri.

Projek Terminal Bas Baru tu dikena nganti terminal bas lama di Padang Kerbau lalu dipelaba tembu taun 2023 ti mega ngembuan tuju ngurangka penyekut ba jalai alun enggau pengelikun nembiak sekula.

Bela sama datai iya nya Sapit Sekretari Perintah Nengeri Sarawak, Dato Sri Mohamad Abu Bakar Marzuki, Sekretari Mendam Opis Menteri Kaunsil Kandang Menua enggau Pengawa Berumah Sarawak, Datu Antonio Kahti Galis, Chairman Unit Perancang Ekonomi, Opis Kepala Menteri, Dr Muhammad Abdullah Zaidel, Sapit Datuk Bandaraya Miri Julaihi Mohamad, Pemangku Residen Pelilih Miri , Abdul Aziz Mohamad Yusuf enggau Sekretari Majlis Bandaraya Miri Morshidi Fredrick. -EDISI UKAS

Share

add comment