Sapit Kepala Menteri Matau Tiga Bengkah Projek Betanam Betupi Di Lundu

HARI SATU, 22 MARCH 2021

KUCHING: Sapit Kepala Menteri Sarawak ti mega Menteri Betanam Betupi, Tanah Adat enggau Pemansang Kandang Menua, Datuk Amar Douglas Uggah Embas ngabas beberapa bengkah projek betanam betupi di sitak Lundu kena hari Minggu tu tadi.

Keterubah iya ngabas Skim Padi Paya DID Tanjung Purun di Kampung stunggang Melayu ti digaga enggau ungkus RM13.28 juta.

Ba taun 2020, sepenyampau 96 iku orang udah ngambi bagi ba projek nya.

Nangkan ke nya, Datuk Amar Douglas lalu ngabas Palan Proses Madu Engkelulut Komiti Orang Bumai Pelilih (PPK) Sri Gading alai 60 iku orang ngerejister nama enggau projek tu.

Nyentuk taun 2021, 60 iku agi penyereta ngambi bagi ba projek PPK Sri Gading.

PPK Gading mega disaup Bayu Gagah Marketing Sdn Bhd ngerembaika dagang produk madu engkelulut ngagai menua bukai.

Datuk Amar Douglas neruska pejalai iya di Lundu ngabas Pegung Nupi Undang Sampadi.

Penatai iya maya tu disempulang Kaban Kunsil Nengeri (ADUN) Tanjong Datu, Datuk Amar Jamilah Anu. –EDISI UKAS

Share

add comment