Dos Ti Kedua Program Tuchuk Vaksin Covid-19 Renggat Keterubah Di Sarikei

HARI DUA, 23 MARCH 2021

SARIKEI: Kaban Kunsil Nengeri (ADUN) Meradong, Datuk Ding Kuong Hiing enggau ADUN Meluan, Rolland Duat Jubin udah nerima dos ti kedua vaksin Pfizer Biontech renggat keterubah di Klinik Pengerai Pelilih Sarikei kena hari Satu.

Seduai iya bela udah betuchuk vaksin dos ti keterubah kena 1 march 2021.

Maya dirandau, Rolland Duat madah, program vaksinasyen renggat keterubah tu nyadi siti ari chara raban pengerai nyendiaka diri meri tuchuk vaksin ngagai rayat ba renggat ti deka datai lalu nangkan mensia mayuh anang takut nerima vaksin.

“Ngagai semua kitai lebih agi di menua pesisir anang ninga jaku petenah bejaika tuchuk vaksin tu tang kebendar iya deka nentuka pengelikun ari COVID-19,” ku iya madah.

Maya nya mega, Datuk Ding besetuju enggau pengeransing perintah ti udah bejadika program vaksinasyen tu.

 “Program vaksinasyen tu kelai pengeransing perintah besai enggau perintah nengeri nentuka pengelikun rayat menua tu.

 “Program enda bebayar tu beguna bendar dikena mantu rayat ti kurang penatai pemisi kemaya hari tu,” ku iya madah. –EDISI UKAS

Share

add comment