RM11.78 Juta Ngemujurka Projek Umai Tanjung Purun

HARI DUA, 23 MARCH 2021

KUCHING: Sepenyampau RM11.78 juta udah dikena ngemansangka projek umai Tanjung Purun di Kampung Stunggang Melayu Lama, Lundu kenyau ari taun 2017.

Penyampau nya nyengkaum  RM7.3 juta dikena ngaga sereta ngemanahka perengka guna, parit enggau entali ai projek.

Sapit Kepala Menteri, Datuk Amar Douglas Uggah udah ngabas projek 88 hektar pemesai nya kena hari Minggu tu tadi.

Penatai iya maya tu disempulang Kaban Kunsil Nengeri (ADUN) Tanjung Datu, Datin Patinggi Datuk Amar Jamilah Anu enggau Sekretari Mendam Opis Menteri Betanam Betupi Moden, Tanah Adat Enggau Pemansang Kandang Menua, Edwin Abit.

Berebak enggau nya, Pegawai Opis Betanam Sitak Kuching, Chong Mui Sia madahka Datuk Amar Uggah udah ngasuh sida ngena sistem ti engkeman agi dikena nambahka asil taun tu.

“Ari pengawa nya, kami melabaka deka bulih padi tujuh tan sehektar,” ku iya madah.

Bisi 10 bansa padi ditanam ba projek tu iya nya Merah, Pandan, Retih, Pulut Cina, Pulut Hitam, MR 219, MR 263, MRQ 76, Black Berry enggau Lombok.

Ba taun 2019, projek nya bulih 4,037 kilogram padi sehektar ba pemesai 75 hektar ti dikereja 92 iku penyereta. -EDISI UKAS

Share

add comment