Jalai Nebing Sungai Pelasar Pemansang Sarawak

HARI TIGA, 24 MARCH 2021

SEBUYAU: Pengawa ngaga jalai nebing sungai di nengeri tu meseti digaga nyerumba pengeransing perintah ngaduka pemansang sereta nyungkakka tikas pengidup rayat.

Sapit Kepala Menteri Sarawak, Tan Sri Datuk Amar (Dr) James Jemut Masing madah, jalai tu deka nyadika pelasar ngubah pemansang penatai pemisi menua.

“Nya alai, kitai meseti ngaga mayuh agi jalai nebing sungai. Mayuh agi jalai, mayuh agi jematan deka digaga,” pia ku iya madah.

Iya bejaku munyi nya maya Pengerami Nasih Tanah Projek Jematan Batang Lupar di Sebuyau, kena Hari Dua tu tadi.

Pengerami tu dipenyadi Kepala Menteri Datuk Patinggi (Dr) Abang Abdul Rahman Zohari Tun Datuk Abang Openg.

Iya ti mega Menteri Infrastruktur enggau Pemansang Penyangkai Kapal Sarawak madah, agi bisi 11 iti jematan besai patut digaga ba nengeri tu.

“Semua jematan tu meseti digaga ngambika tiap iku rayat Sarawak bela ngasaika pemansang,” ku iya madah baru. -EDISI UKAS

Share

add comment