MDLA Ngatur Program Ngemeranka Chara Idup Baru

HARI TIGA, 24 MARCH 2021

LUBOK ANTU: Opis Kaunsil Pelilih Lubok Antu (MDLA) udah ngatur Program Ngemeranka Chara Idup Baru ba tiga buah rumah panjai di Lubok Antu.

Pemangku Sekretari MDLA Tommy Laman madah, program tu sebagi ari chara perintah mai mensia mayuh bela ngemeranka chara idup baru ketegal pengelekai COVID-19.

“Ukai semina nya, kitai mega meseti semampai ngemeranka 3W iya nya ‘Wash, Wear, Warn’ lalu seliahka 3C ‘Crowded Space, Confined Space, Closed Conversation’,” pia ku iya madah.

Iya bejaku munyi nya maya program nya di Rumah Annam Unchat, Nanga Bila Antu enggau Ulu Lemanak, kena Hari Dua tu tadi.

Nambahka jaku iya, iya mega minta mensia mayuh ngerejister nama diri ngambi tuchuk vaksin COVID-19.-EDISI UKAS

Share

add comment