Enam Sekula Pelilih Bintulu Ditutup, 12 Iku Nembiak Enggau Staf Positif COVID-19

HARI EMPAT, 25 MARCH 2021

BINTULU: Enam buah sekula di pelilih Bintulu ditutup ketegal 12 iku nembiak enggau staf ditemu positif COVID-19, kena Hari Dua tu tadi.

Kaban Parlimen Bintulu Datuk Sri Tiong King Sing madah, sekula tu iya nya Sekolah Jenis Kebangsaan (SJK) Cina (C) Siong Boon, Sekolah Kebangsaan (SK) St. Anthony, SK Sungai Tisang, SK Kelawit, SK Nanga Tau enggau SK Kampung Jepak.

Kelimpah ari nya ku iya, empat iku pengajar sekula primari enggau sekondri sereta nembiak sekula ba belajar enggau ngajar nengah on-line mega udah ditentuka positif COVID-19.

“Sida tu iya ari Sekolah Menengah Kebangsaan (SMK) Bandar Bintulu, SMK Baru, SMK Tatau enggau SK Tanjung Batu tang sekula tu empai ditutup laban sida belajar enggau ngajar nengah on-line sebedau ditemu positif,” pia ku iya madah nengah penerang media.

Iya ti mega Kaban Parlimen Bintulu madahka bisi apai indai minta Opis Menteri Pelajar Malaysia (KPM) ngentuka dulu pengawa muka sekula laban nangika pengelekai COVID-19. -EDISI UKAS

Share

add comment