Lebih RM1.3 Juta AFF Nyaup Rayat DUN Semop Nyungkak Pengawa Betanam Betupi

HARI SATU, 29 MARCH 2021

TEKAJONG: Lebih RM1.3 juta agih belanja ari program Turu Perengka Guna Betanam Betupi (AFF) udah diberi ngagai 211 iku penerima di sitak Kunsil Nengeri (DUN) Semop.

Penyampau tu nyengkaum bantu betanam betupi ke beungkus RM293,100 ti udah disuaka Menteri Muda Pekara Korporat enggau Unit Komunikasi Awam Sarawak, Abdullah Saidol ngagai 27 iku penerima, hari Minggu tu tadi.

Iya ti mega Kaban Kunsil Nengeri (ADUN) Semop nyuaka bantu nya ba Opis Sub Stesyen Opis Betanam Betupi Tekajong.

Maya tu, iya madahka diri deka nyaup mensia mayuh dia numbuhka makit ba Palan Pemansang Menua Pesisir (RGC) Semop.

Ku iya, Perintah Nengeri ngungkupka mayuh agih belanja dikena ngemansangka beberapa bengkah endur diselampur nengeri nyadi palan betanam betupi enggau ‘Food Basket’.

Abdullah ngarapka rayat landik beambi ulih ari pekara nya dikena ngangkat sereta nyungkakka pengawa betanam betupi sida.

Nangkan ke nya, iya mega bisi nemuai ngagai dua bengkah kebun fertigasi chabi ti bela diaduka nengah program AFF. -EDISI UKAS

Share

add comment