PM Datai Di Kuching Bejalaika Pengawa Perintah Ke Sarawak

HARI EMPAT, 1 APRIL 2021

KUCHING: Menteri Besai Tan Sri Muhyiddin Yassin udah datai di Kuching bejalaika pengawa perintah ba pengelama dua hari ke Sarawak.

Penatai iya enggau bini iya, Puan Sri Noorainie Abdul Rahman ngena bilun khas di Padang Bilun Entarabansa Kuching disambut Kepala Menteri Sarawak, Datuk Patinggi (Dr) Abang Abdul Rahman Zohari Tun Datuk Abang Openg enggau bala Menteri Kabinet Sarawak.

Iya ngepunka pejalai enggau pengawa ngulu Penerang Kuing Tuju Perintah Sarawak lalu ditangkan Pengerami Begulai Enggau Pengereja Pengawa Perintah.

Menteri Besai nangkan ke nya dipadahka deka ngabas Palan Vaksin di Stadium Perpaduan Kuching sebedau nemuai meri basa ngagai Tuai Megai Menua (TYT) Tun Pehin Sri Abdul Taib Mahmud.

Ngalihka lemai iya deka ngulu ‘Town Hall-Wawasan Kemakmuran Bersama’ di BCCK, Kuching.

Nangkan nya, iya ngulu ‘Jamuan Negeri’ di Dewan Santapan Dewan Undangan Negeri.-EDISI UKAS

Share
0