HARI DUA, 6 APRIL 2021

JULAU: Projek Transformasyen Menua Pesisir (RTP) masang ’tiles’ ba Rumah John Kennedy di Nanga Jempai, Julau deka tembu enda lama agi.

Kaban Kunsil Nengeri (ADUN) Meluan, Rolland Duat Jubin madah, projek RTP 2021 ke beungkus RM100,000 nya diatu benung digaga sereta dipelabaka tembu nitihka timpuh ke udah ditetap sebedau tu.

“Projek tu deka tembu enda lama agi lalu kitai ngarapka kontriktor ulih ngaga projek enggau manah,” pia ku iya madah maya datai meda projek nya, hari Minggu tu tadi.

Maya tu, Tuai Rumah John Kennedy ngenataika jaku terima kasih ngagai Perintah Sarawak lebih agi Rolland Duat ti meri sida serumah projek nya.

Ba program nangkan ke nya, Rolland Duat mega bisi meri chek RM10,000 ngagai Komiti Pemansang enggau Pengelikun Genturung Pendiau (JKKK) Rumah Jeffery di Nanga Entabai. -EDISI UKAS