Pemutus Ngena Leka Jaku ‘Wilayah Sarawak’ Nganti Asil Randau MA63

HARI MINGGU, 11 APRIL 2021

BALAI RINGIN: Perintah Sarawak deka meda asil ari randau Sempekat Malaysia 1963 (MA63) sebedau ngaga pemutus ngena jaku ‘Wilayah’ ba nengeri tu.

Kepala Menteri Sarawak, Datuk Patinggi (Dr) Abang Abdul Rahman Zohari Tun Datuk Abang Openg madah, naka ke diatu randau MA63 nya agi mengkang dipejalaika.

“Baikka kitai ngena jaku ‘Wilayah’ tauka enda, nya bepanggai ba nama asil ari randau Sempekat MA63.

“Kebendar iya, jaku nya semina buah penemu ari Menteri Besai maya iya nemuai ke Sarawak empai lama,” pia ku iya madah.

Iya bejaku munyi nya maya nimbal tanya media udah bejadika Pengerami Nasih Tanah Stadium Mini Balai Ringin di Balai Ringin, kena hari Enam tu tadi.

Kepala Menteri mega madah, pemutus ngena leka nya jaku nya bela dipanggai ngagai sida ke landik ba undang-undang.

“Kitai deka manggaika pekara tu ngagai sida ke landik ba undang-undang sebedau ngaga nama-nama pemutus,” ku iya madah baru. -EDISI UKAS

Share

add comment