OACP Nyungkak Tikas Integriti Semua Ejensi Di Sarawak

HARI LIMA, 16 APRIL 2021

KUCHING : Pelin Nagang Makai Suap Organisasyen (OACP) sebengkah ari dokumen ti nyulut nyadika malin semua ejensi lebih agi di nengeri Sarawak.

Sekretari Perintah Nengeri Sarawak, Datuk Amar Jaul Samion madah, semua OACP-RBK tu mesti dipejalai enggau bebendar dikena mutarka isu makai suap sereta nyungkakka tikas integriti.

“Dokumen tu iya nya dokumen ti pemadu besai perintah Malaysia dikena ngerintaika pengawa mutarka pekara bekaul enggau penyalah makai suap.

“Bisi enam strategi enggau 115 inisiatif udah diperati ba OACP dikena ngemanahka tikas integriti, tusun atur enggau pengeransing nagang penyalah makai suap,” ku iya bejaku maya bejadika Pengerami Nagang Makai Suap Pengatur Pengawa  Pelilih Kuching di Waterfront Hotel, kena Hari Empat.

Bela sama datai iya nya Pemangku Sapit Sekretari Perintah Nengeri Sarawak (Transformasyen,Pengulih enggau Penyampau Servis ), Datu Ismail Mohamad Hanis, Direktor Unit Integriti & Ombudsman Nengeri, Opis Kepala Menteri, Adana Jed, Residen Pelilih Kuching, Sherrina Hussaini, Pegawai Pelilih Kuching, Awang Yusup Awang Mostapha, Pegawai Pelilih Bau, Anielia Siam, Pegawai Pelilih Lundu, Gustian Durani sereta  ke bukai.

Ku Datuk Amar Jaul nambahka jaku iya, Sarawak udah bisi ngembuan 30 iku pematih ti deka bejalaika semua bengkel OACP.

Iya mega ngelalau pengawa OACP seruran dipatau enggau silik ngambika semua inisiatif ulih digaga enggau mujur. –EDISI UKAS

Share

add comment