HARI SATU, 19 APRIL 2021

TUBAU: Kaban Kunsil Nengeri (ADUN) Murum, Kennedy Chukpai Ugon udah ngemujurka Program Jelajah Sarawak Ku Sayang di Ulu Sungai Kebulu Jelalong, Tubau, kena hari Enam tu tadi.

Pengawa tu diatur dikena iya mendingka peminta rayat kelimpah ngabas Projek Bekal Karan Menua Pesisir (BELB) ke digaga di Rumah Jusong Peling enggau Rumah Talip Punai.

Nambahka nya, Kennedy mega madah, Rumah Jusong ke baru deka digaga enda jauh ari rumah panjai lama sida.

Maya tu iya bela ngabas projek nyungkur taba rumah panjai baru Rumah Talip ke digaga nengah Projek Transformasyen Menua Pesisir (RTP) ke diatu udah tembu.

Iya madahka diri deka meri atap ngagai rumah panjai nya nengah MRP enggau Projek Ngemanahka Rumah Seranta Sarawak (PPRMS).-EDISI UKAS