Program Jelajah Sarawak Ku Sayang Di Jelalong, Tubau

HARI DUA, 20 APRIL 2021

TUBAU: Kaban Kunsil Nengeri (ADUN) Murum, Kennedy Chukpai Ugon udah ngemujurka Program Jelajah Sarawak Ku Sayang di Jelalong, Tubau, empai lama tu tadi.

Ba program nya, iya ngabas Projek Bekal Karan Menua Pesisir (BELB), Projek Transformasyen Menua Pesisir (RTP) enggau Servis Wifi di Rumah Rasa Dangon.

Kelimpah ari nya, iya mega ngabas projek ke sebaka kelimpah ngabas gerija di Rumah Julaihi Keti.

Nangkan ke nya, Kennedy datai meda Projek BELB, RTP enggau Servis Wifi Rumah Ningkan Jawie enggau Rumah Drick Gani seraya ngabas Projek Masang Tile ba dia. –EDISI UKAS

Share
0