Peranak Rumah Buking, Julau Majak Ngasaika Pemansang

HARI LIMA, 23 APRIL 2021

JULAU: Peranak Rumah Buking Imang di Ulu Kakup, Julau deka majak ngasaika macham bengkah pemansang alai serak tu RM300,000 udah dikemendarka dikena ngemanahka jalai ngelawa rumah sida.

Sebedau tu, sida serumah panjai 15 pintu mega udah bisi karan ke digaga nengah Skim Karan Alternatif Menua Pesisir (SARES) taun siti tadi.

Maya datai ngabas projek ngemanahka jalai nya kemari, ADUN Meluan, Rolland Duat Jubin madah, kelimpah pemansang infrastruktur, iya mega ngemeratka program ke ulih negapka agi penemu rayat dia.

Ku iya, Komiti Pemansang Enggau Pengelikun Genturung Pendiau (JKKK) mega meseti bisi juluk ati ngemansangka rumah panjai sida.

Ba pengerami tu iya bela ngungkupka agih belanja RM6,000 ngagai JKKK enggau RM2,000 ungkup Biro Indu Rumah Buking.

Maya dirandau, Tuai Rumah Buking Imang ngarika sida serumah ngenataika jaku gaga ati ngagai Rolland ke udah ngayanka pementas diri ngagai sida sereta rayat di DUN Meluan.-EDISI UKAS

Share
0