ADUN Saribas Deka Meda Projek Digaga Nitihka Atur Ti Udah Ditetapka

HARI SATU, 26 APRIL 2021

DEBAK: Kaban Kunsil Nengeri (ADUN) Saribas, Mohd Razi Sitam deka meda tiap bengkah projek rayat ke digaga nitihka atur projek ti udah ditetapka.

Iya madah, siti ari kebuah rayat enda lantang ati iya nya bisi kontriktor semina ngudahka projek ke digaga sida.

Ba pekara bekaul, peranak Rumah Entawa di Dit, Debak madahka diri berasai lantang ati enggau penembu projek Transformasyen Menua Pesisir (RTP) DUN Saribas ngaga ’tiles’ rumah panjai sida.

Sida mega beterima kasih ngagai pementas Mohd Razi ke udah ngungkupka agih belanja dikena ngaga projek nya.

kelimpah ari nya, projek ngaga palan engkah kerita enggi Rumah Sengalang di Debak diatu udah tembu 30 peratus.

Projek nya digaga enggau belanja RM100,000.-EDISI UKAS

Share
0