ACD Di Rumah Nugu Enggau Rumah Manggang, Sarikei

HARI TIGA, 28 APRIL 2021

SARIKEI: Komiti Penyangga Penusah Sitak (JPBB) Sarikei besaup enggau Opis Pengerai Sarikei udah ngatur Pengawa Nyidi Kes Aktif (ACD) bepun ari kes positif COVID-19 bisi nambah di Sarikei.

Pengawa kena Hari Tiga tu diatur ba Rumah Nugu enggau Rumah Manggang di Kerubong, Jalai Sarikei-Selalang.

Kelimpah ari nya, pengawa ke sebaka mega digaga di Rumah Puin enggau Rumah Meringai sebedau tu.

Naka ke diatu, empai bisi atur bepekul (‘lockdown’) dipejalaika tang Opis Pengerai Malaysia (KKM) minta sida enda mindah ke bukai enti nadai pengawa berat.

Bepun ari pekara nya, Menteri Muda Pengatur Mengeri, Tanah enggau Rampa Menua ti mega Kaban Kunsil Nengeri (ADUN) Kuala Rajang, Datu Len Talif Salleh ngelalau mensia mayuh lebih agi ba sitak DUN nya sereta peranak nengeri tu semampai nitihka atur dikena ngemunaska pengelekai pandemik COVID-19. -EDISI UKAS

Share
0