TASKA Bisi Anak Raban Terabai Menua Ba Zon Mirah Dikemendar Dibuka

HARI TIGA, 5 MEI 2021

KUCHING: TASKA ke bisi nyaga anak bala raban terabai menua dikemendarka dibuka baru berengkah 5 Mei 2021.

Menteri Pengintu Pengelikun, Pengelantang Komuniti, Orang Indu, Ruang Bilik enggau Pemansang Nembiak Mit Sarawak, Dato’ Sri Fatimah Abdullah madah, pemutus nya digaga bepun ari asil randau enggau Komiti Penyangga Penusah Nengeri Sarawak (JPBNS).

Ku iya, TASKA nya meseti nganjung peminta dulu ngambika ulih diperesa sebedau dibuka baru.

“Tu dikena nentuka TASKA nya endang bisi ngibun anak raban terabai menua tauka nadai.

“Naka 30 April 2021, kitai udah nerima 78 peminta ari TASKA alai ari penyampau nya 65 peminta udah dikemendarka,” pia ku iya madah.

Iya bejaku munyi nya maya aum media di Kuching, kena Hari Dua tu tadi.

Dato Sri Fatimah mega madah, TASKA ke ukai ba zon mirah bela dikemendarka dibuka baru tang meseti nitihka atur operasyen standard (SOP) ke udah ditetapka. -EDISI UKAS

Share

add comment