Sarawak Mengkang Ngena Atur Mindah Betagang Belebas (PKPB)

HARI DUA, 11 MEI 2021

KUCHING: Komiti Penyangga Penusah Nengeri (JPBN) Sarawak netapka pemutus mengkang bekenaka Atur Mindah Betagang Belebas (PKPB) ‘circuit breaker’ baka iya ke dipejalaika diatu berengkah 7 ngagai 17 Mei 2021 di selampur nengeri Sarawak.

Nitihka penerang media JPBN Sarawak kena Hari Dua, beberapa bengkah Atur Operasyen Standard (SOP) bela diserenih baru sereta diteritka agi ba restoran, kedai makai enggau ngirup, Bistro, café, enda dikemendarka dibuka enggau chara ’dine-in’.

Pia mega, pengawa nyual pemakai semina dikemendarka enggau chara mai pulai, ‘drive thru’ tauka servis nganjung aja.

Nangkan ke nya, atur tu meseti dikemeratka kedai ke udah ditentuka mudah alai pengelekai COVID-19 ti ditemu nengah Sistem Hotspot Identification For Dynamic Engagement (HIDE) lalu atur tu diteritka berengkah 12 Mei 2021.

SOP PKPB ke lebih silik tau dipeda ba laman web Kaunsil Pengelikun Menua, Nengeri Sarawak.

Nambahka nya, SOP Nyambut Hari Raya di Sarawak mega udah diserenih lalu deka dibantai Kaunsil Islam Sarawak. –EDISI UKAS

Share

add comment