Sepital Medan ATM Kapit Udah Berengkah Dibuka 10 Mei 2021

HARI DUA, 11 MEI 2021

KAPIT: Sepital Medan Soldadu Malaysia (ATM) Kapit udah berengkah dibuka 10 Mei 2021.

Sepital nya dipelabaka dibuka sepengelama tiga bulan dikena nyadi palan ngubat pesakit ukai kes COVID-19.

Sida ke gawa dia nyengkaum tiga iku pegawai pengerai ATM disaup 35 iku soldadu enggau empat iku pengereja pengawa pengerai ari Sepital Pelilih Kapit.

Sepital nya mega disikap enggau 40 buah katil lalu penyampau nya ulih ditambah nitihka guna pesakit ba sepital nya. –EDISI UKAS

Share

add comment