3,408 Datai Beperesa Pengerai Ba One Stop Centre COVID-19

HARI TIGA, 12 MEI 2021

KUCHING: Naka ke diatu bisi 3,408 iku mensia mayuh udah beperesa pengerai ba ‘One Stop Centre’ COVID-19 .

Ari penyampau nya, 2,407 iku diperesa ‘mobile team’ lalu 84 iku agi nyengkaum sida ti bisi kelaie COVID-19.

Kelimpah ari nya, 1,101 iku dipinta bejalaika atur bepekul alai 335 iku endang dipinta beperesa pengerai sereta dua iku agi ketegal dikompaun.

Sapit Kepala Menteri ti mega Chairman Komiti Penyangga Penusah Nengeri (JPBN) Sarawak, Datuk Amar Douglas Uggah Embas udah datai ngabas ‘One Stop Centre’ COVID-19 enggau covid-19 ‘Assessment Centre’ di Balai Mensia Mayuh Kaunsil Mengeri Kuching Selatan (MBKS) Padungan, kena Hari Tiga.

Datuk Amar Douglas disempulang Menteri Kaunsil Kandang Menua Enggau Pengawa Berumah, Dato Sri Dr Sim Kui Hian, Menteri Muda Ba Opis Kepala Menteri (Pekara Islam & Dbku) ti mega Menteri Muda Utiliti (Ai), Datuk Dr Abdul Rahman Junaidi, Datuk Bandar Mbks, Dato Wee Hong Seng enggau Direktor Unit Pengelikun Enggau Penerit Adat, Datu Dr Chai Khin Chung.

Kelimpah ari nya, Sekretari Perintah Nengeri Sarawak, Datuk Amar Jaul Samion enggau sapit iya, Datu Ik Pahon Joyik mega bela bisi datai ngabas palan nya. –EDISI UKAS

Share

add comment