ATM Nyungkak Kerejasama Enggau KKM Napi Pengelekai COVID-19

HARI DUA, 18 MEI 2021

KAPIT: Raban Soldadu Malaysia (ATM) semampai nyungkakka tikas kerejasama begulai enggau Opis Pengerai Malaysia (KKM) dikena napi pengelekai COVID-19 di menua tu.

Panglima Atm Jeneral Tan Sri Affendi Buang madah, tu nyengkaum pekara bekaul enggau logistik atm dikena mai kereban berubat nyengkaum bekenaka bilun Soldadu Langit Malaysia.

Iya bejaku munyi nya maya ngabas Sepital Medan ATM Kapit.

Bekaul enggau penumbuh sepital medan ba endur bukai, ku iya, pekara nya bepanggai enggau gaya ke nyadi sereta penau servis pengerai ATM.

Ku iya nambahka jaku iya baru, udah ke bisi sepital medan, diatu Sepital Kapit bisi katil ke chukup dikena ngubat pesakit COVID-19 kelimpah kes berat ke bukai.

insert ig Sepital Medan ATM nya ditumbuhka kena 6 Mei tu tadi ti disempulang enggau 40 katil kelimpah deka ditambah ngagai 100 katil agi nitihka gaya.

insert ig Naka ke diatu sepital nya dipejalaika Batalion Pertama Perubatan ari Kem Muara Tuang, Kota Samarahan begulai enggau Opis Pengerai Sarawak sereta Sepital Kapit lalu bisi wad pesakit, x-ray, farmasi enggau bilik berubat.-EDISI UKAS

Share

add comment