PPV Stadium Perpaduan Patut Nyadi Chunto

HARI EMPAT, 20 MEI 2021

KUCHING: Palan Meri Vaksin (PPV) Stadium Perpaduan Petra Jaya deka nyadika chunto ngagai PPV bukai di nengeri tu.

Sapit Kepala Menteri, Datuk Amar Douglas Uggah Embas madah, pengawa ngemanahka agi tusun servis meri vaksin ba palan nya udah diaduka baru.

“Tu kebuah kitai meseti ngemanahka tusun servis baka PPV Stadium Perpaduan laban palan tu jauh manah agi ari sebedau tu.

“Kitai udah ngaga sistem ke engkeman dikena mensia mayuh bejalaika proses vaksinasyen enggau mujur,”iya madah munyi nya sepengudah ngabas PPV Stadium Perpaduan, kena Hari Empat.

Kelimpah ari nya, iya mega madahka vaksin Astrazeneca deka diberi ngagai sida ke nyanggup nerima vaksin nya nengah chara ‘first-come, first-served’.

“Vaksin Astrazeneca deka diberi ngagai sida ke nyanggup nerima vaksin nya nengah chara ‘first-come, first-served’ ari palan meri vaksin ke bukai ti ukai ari kitai,”ku iya. –EDISI UKAS

Share
0