Sarawak Besetuju Pemutus Perintah Besai Ngangau Duta Besai Republic China

HARI EMPAT, 3 JUN 2021

KUCHING: Perintah Sarawak besetujuka pemutus Perintah Besai nyentuk ngangau ke Duta Besai Republic China nerang kebuah bilun sida tama nadai pemendar ngagai menua tu.

Opis Kepala Menteri Sarawak nengah penerang media kena Hari Empat madah, Soldadu Langit Malaysia (TUDM) tetemuka 16 buah bilun Republic China (PLAAF) terebai nengah Zon Maritim Malaysia.

Pekara nya nyadi ba Luconia Shoals nengah 110KM semak enggau tasik Sarawak.

Ba Perintah Sarawak, pemutus Perintah Besai nya engkeman digaga dikena nentuka pekara nya enda betandu lalu nyaga, ngintu pengelikun menua tu.-EDISI UKAS

Share
0