Kepala Menteri Sarawak Nerima Penemuai Basa Anil Fahriza Ke Deka Nyadi Konsul Jeneral Malaysia Ke Los Angeles

HARI TIGA, 28 JULAI 2021

KUCHING: Kepala Menteri, Datuk Patinggi (Dr) Abang Abdul Rahman Zohari Tun Datuk Abang Openg nerima penemuai basa ari Anil Fahriza Adenan ke deka nyadi Konsul Jeneral Malaysia Ke Los Angeles Amerika Syarikat,  di Wisma Bapa Malaysia, kena Hari Tiga.

Tuju penemuai basa tu iya nya deka nemu silik bekaul enggau digital ekonomi perintah Sarawak kelimpah pekara bekaul ke bukai.

Nangkan ke nya, Anil Fahriza mega ngatur penemuai basa ngagai Sekretari Perintah Sarawak, Menteri Dagang Temuai, Seni Enggau Main Asal Sarawak, Direktor Unit Perancangan Negeri Sarawak, Direktor Besai Lembaga Multimedia Sarawak (SMA) enggau Pegawai Eksekutif Sarawak Tourism Board (STB). -EDISI UKAS