HARI TIGA, 25 OGOS 2021

KUCHING: Perintah sarawak udah ngungkupka agih belanja RM60 juta dikena ngaduka Program Bantu Sum ngagai sida ke bekebun sawit bedandang mit enggau lada di selampur nengeri.

Sapit Kepala Menteri Datuk Amar Douglas Uggah Embas madah, program nya dipelabaka deka nyaup urung 58,000 iku orang bekebun.

Bejaku maya pengawa bejadika program nya di Kuching kena hari Dua tu tadi, ku iya madah, program ke ditumbuhka perintah nengeri nya deka diatur enggau chara berenggat berengkah bulan Oktober tu.

Iya ke mega Menteri Betanam Betupi Moden, Tanah Adat enggau Pemansang Kandang Menua madah, tiap iku penerima deka diberi bantu 12 kambut sum.

Berebak enggau pengawa nya, Datuk Amar Douglas Uggah mega bisi nyuaka chek RM8 juta ngagai Dayak Cultural Foundation (DCF) dikena nyaup ngaga begunan opis DCF enggau Dayak Chamber of Commerce and Industries (DCCI).-EDISI UKAS