HARI TIGA, 1 SEPTEMBER 2021

KUCHING: Kepala Menteri Sarawak, Datuk Patinggi Dr Abang Abdul Rahman Zohari Tun Datuk Abang Openg madah, lebih 91 peratus iku orang mujur betuchuk vaksin naka Hari Satu nengah Program Imunisasyen COVID-19 di Sarawak.

“Ari penyampau nya, 1,879,360 iku tauka lebih 91 peratus udah mujur nerima vaksin COVID-19 dos keterubah ari 2,066,000 iku ke beumur 18 taun ke atas.

“Kelimpah ari nya, 1,821,499 iku tauka 88.2 peratus ke beumur 18 taun ke atas udah nerima vaksin COVID-19 dos kedua,” ku iya maya bejaku ba pengerami nyambut Hari Kebangsaan 2021 Renggat Nengeri Sarawak di DUN Petra Jaya, kena Hari Dua. –EDISI UKAS