Datuk Amar Jaul Ngabas Opis Pelilih Sebauh, Projek Ngaga Baru Pagar Rumah Chin Gawing

HARI TIGA, 3 SEPTEMBER 2021

BINTULU: Sekretari Perintah Nengeri Sarawak Datuk Amar Jaul Samion udah nemuai bejalaika pengawa ngagai Opis Pelilih Sebauh lalu ngabas projek ngaga baru pagar Rumah Chin Gawing kena hari tiga tu tadi.

Dulu ari nya, iya bisi ngabas projek ngaga Jematan Bintulu-Jepak, Jematan Batang Kemena enggau projek begunan baru Opis Perintah Bintulu.

Ba Opis Pelilih Sebauh, Datuk Amar Jaul ngabas projek ngemanahka opis nya ke udah tembu 14 april tu tadi.

Projek nya bekenaka ungkus belanja RM4,038,495.

Nangkan ke nya Datuk Amar Jaul ngabas Rumah Chin Gawing alai projek ngaga baru pagar rumah nya udah tembu 27 Ogos empai lama.

Iya madahka diri berasai lantang ati meda penembu projek nya ke digaga nengah Projek Transformasyen Menua Pesisir (RTP) Kunsil Nengeri (DUN) Kemena enggau ungkus Rm149,840.94.-EDISI UKAS

Share
0

add comment