HARI LIMA, 3 SEPTEMBER 2021

DARO: Projek Ngemanah Kompleks Sukan Daro deka ngubah tikas perengka guna lumba enggau main di pelilih Daro.

Projek ke beungkus RM3 juta nya dipelabaka tembu November tu ti deka pulaika pemaik ba pekara lumba enggau main lebih agi ngagai sekula.

• 

Kena Hari Empat tu tadi, ADUN Daro Safiee Ahmad bisi datai ngabas projek nya lalu iya ngarapka penembu projek nya ila ulih nyungkakka tikas pengawa lumba enggau ba pelilih Daro.

Ba program bukai, Safiee udah nyuaka geran Projek Mit Menua Pesisir (MRP) RM149,000 ngagai 28 penerima.

Sida tu nyengkaum 24 buah tabika, sebuah komiti masjid lalu bela dua buah Komiti Pemansang enggau Pengelikun Genturung Pendiau (JKKK) enggau gerempung.

• 

Ba jaku iya, Safiee madahka pekara pelajar endang nyadi batang pekara dikemeratka iya kenyau ke nyadi pengari rayat menua nya.

Ketegal nya, iya ngungkupka agih belanja ninting taun ngagai KEMAS dikena nyaup ngemujurka program bekaul.

Iya mega ngansak bala apai indai enggau pengajar semampai besaup nentuka pemujur pelajar tumu bala nembiak. -EDISI UKAS