HARI LIMA, 3 SEPTERMBER 2021

BETONG : Sapit Kepala Menteri ke mega Kaban Kunsil Nengeri (ADUN) Bukit Saban, Datuk Amar Douglas Uggah Embas meri bantu barang pemakai ngagai dua buah rumah panjai ke benung bejalaika Atur Mindah Betagang Diteritka (PKPD) di Spaoh enggau Debak, kena Hari Empat.

Bantu nya disuaka Palan Servis ADUN Bukit Saban enggau kerejasama Komiti Penyangga Penusah Sitak (JPBB) Betong.

Sida ke nerima bantu tu iya nya 41 pintu ruang bilik ari rumah panjai Bebuling Atas, Spaoh enggau 16 pintu ruang bilik ari rumah panjai Nanga Gayau, Rimbas, Debak.

Tuai Rumah ari dua buah rumah panjai nya ngenataika jaku terima kasih ngagai ADUN Bukit Saban ke pemeri nya. –EDISI UKAS