HARI LIMA, 3 SEPTEMBER 2021

KUCHING: Kepala Menteri Datuk Patinggi (Dr) Abang Abdul Rahman Zohari Tun Datuk Abang Openg nerima replika chek RM1,100,000 ari Sarawak Energy Berhad (SEB) ba opis iya di Wisma Bapa Malaysia, hari Lima.

Pemeri nya disuaka Mandal Presiden Pekara Korporat SEB, Siti Aisah Adenan ngagai Kepala Menteri.

Tuai Pegawai Eksekutif Kumpulan SEB Datu Sharbini Suhaili maya dirandau madah, pemeri nya datai ari pengereja pengawa enggau kompeni SEB dikena nyaup Perintah Sarawak enggau rayat betapi enggau pandemik COVID-19.

“Kami udah mupu pemeri ari pengereja pengawa SEB enggau penyampau RM43,238.53 kenyau tiga bulan ke udah lalu SEB bisi nambah RM100,000.

“Kami mega meri RM1 juta ari agih belanja ti deka dikena ngintu nyambut penumbuh SEB ke-100 taun.

“Ketegal ngira nama ke nyadi maya hari tu, kami ngaga pemutus meri belanja nya ngagai Turu Penusah Nengeri Sarawak,” pia ku iya maya dirandau Unit Komunikasi Awam Sarawak (UKAS) nangkan ke nya.

Sama bela datai maya tu iya nya Chairman SEB, Datuk Amar Abdul Hamed Sepawi. -EDISI UKAS