PKPD: ADUN Pakan Meri Bantu Pemakai Ngagai Peranak Rumah Panjai

HARI TIGA, 8 SEPTEMBER 2021

PAKAN: ADUN Pakan Tan Sri William Mawan Ikom nganjung bantu barang pemakai ngagai peranak lima buah rumah panjai ti bela benung bejalaika PKPD.

Lima buah rumah panjai tu iya nya Rumah Guntur, di Sungai Kepayang, Rh George, Nanga Nansang, Rh Matu, Batu 3, Rh Brayun, Tugong enggau Rh Kilat di Tugong.

Bantu nya dianjung iya nengah Palan Servis ADUN Pakan ngagai tiap iku tuai rumah enggau raban Rela ke gawa ba rumah panjai dia sebedau disadung ngagai peranak rumah panjai, kena Hari Dua.

Tuai Rumah ari tiap rumah panjai ke nerima bantu nya meri jaku terima kasih ngagai Tan Sri William Mawan ke udah nganjungka sida bantu barang pemakai. -EDISI UKAS

Share
0

add comment