HARI SATU, 5 OKTOBER 2021

SEBUYAU: Menteri Muda Infrastruktur Enggau Pemansang Penyangkai Kapal Sarawak, Datuk Julaihi Narawi udah datai ngabas projek ngaga jalai ari Sebuyau ke Lingga, kena Hari Satu tu tadi.

ADUN Sebuyau nya madahka penembu projek nya ila deka ngemuntangka penyauh pejalai ari Kuching ke Simanggang, Betong enggau Sibu lalu nyambung ‘Coastal Road Network’ enggau ‘Pan-Borneo Highway’.

Ku iya, tiga iti jematan bela deka digaga ba projek nya.

“Jematan tu nyengkaum jematan mit iya nya Jematan Sungai Lidi enggau Jematan Sungai Parit ti bela 50 meter pemanjai.

“Siti agi iya nya jematan meraka Sungai Lingga ke ngembuan pemanjai 720 meter,” pia ku iya madah maya penemuai sehari nya.

Datuk Julaihi mega madah, projek nya udah berengkah digaga kenyau ari 5 Januari tu tadi lalu dipelabaka tembu dalam kandang 52 bulan iya nya tembu kena 4 Mei 2025.-EDISI UKAS