HARI DUA, 5 OKTOBER 2021

KUCHING: Komiti Penyangga Penusah Nengeri (JPBN) Sarawak udah netapka pemutus nadai bekenaka permit polis agi enti deka bejalai ngagai pelilih bukai.

Penerang media JPBN Sarawak madah, taja pia, permit polis agi dikena enti bejalai ngagai nengeri bukai.

Pemutus nya deka berengkah diteritka 6 Oktober, pukul 12.01 pagi.

Taja pia, mensia mayuh mengkang dipinta bela nyaga diri empu sereta tau enda ibuh bejalai ngagai orang bukai maya tu bepun ari pengelekai COVID-19 agi mengkang bisi.

Nembiak beumur baruh 12 taun mega bela ditangkan enda ibuh pansut ari rumah lalu nyema bisi pengawa berat dikereja sida mesti diuluka apai indai (udah betuchuk dua dos vaksin) sereta ngemeratka atur pengerai enggau pengelikun ke udah ditetapka. -EDISI UKAS